ആസ്റ്റർ ഡിഎം ഹെൽത്ത്കെയർ - ക്വാളിറ്റി കെയർ ലയനത്തിന് ഓഹരി ഉടമകളുടെ അംഗീകാരമായി. ഇതോടെ ഇന്ത്യയിലെ ഏറ്റവും വലിയ മൂന്നാമത്തെ ആശുപത്രി ശൃംഖലയായി ആസ്റ്റർ മാറും. ബ്ളാക്സ്റ്റോൺ നിയന്ത്രണത്തിലുള്ള കമ്പനിയാണ് ക്വാളിറ്റി കെയർ ഇന്ത്യ ലിമിറ്റഡ്. ലയന ശേഷവും ആസാദ് മൂപ്പൻ എക്സിക്യൂട്ടീവ് ചെയർമാനായി തുടരും. മൂപ്പൻ കുടുംബത്തിനും ബ്ളാക്സ്റ്റോണിനും ഡയറക്ടർ ബോർഡിൽ മൂന്നു വീതം പ്രതിനിധികൾ ഉണ്ടാവും. പുറമെ 6 സ്വതന്ത്ര ഡയറക്ടർമാരും. ക്വാളിറ്റി കെയറിൻ്റെ സാരഥി വരുൺ ഖന്ന മാനേജിങ് ഡയറക്ടറും ഗ്രൂപ്പ് സി

ക്ളീൻ മാക്സ് എൻവിറോ എനർജി സൊല്യൂഷൻസ് ഓഹരി ലിസ്റ്റ് ചെയ്തു.960 രൂപയാണ് NSE യിലെ ലിസ്റ്റിങ് വില. ഓഹരിയുടെ ഇഷ്യു വില 1,000 - 1,053 രൂപയായിരുന്നു.863.70 രൂപ വരെ ഒരു വേള താഴ്ന്നു. ബിഎസ്ഇയിൽ 952 രൂപയ്ക്കാണ് ലിസ്റ്റിങ് നടന്നത്. അലോട്മെൻ്റ് കിട്ടിയവർ ക്ഷമയോടെ കാത്തിരിക്കാനാണ് വിദഗ്ദ്ധർ പറഞ്ഞു കേട്ടത്. പുതുതായി വാങ്ങാൻ ഉദ്ദേശിക്കുന്നവർ വില സ്ഥിരത ആർജ്ജിക്കും വരെ ക്ഷമിക്കുന്നതാവും ബുദ്ധിയെന്ന് സ്വസ്തിക ഇൻവെസ്റ്റ്മെൻ്റ് മാർട്ടിൻ്റെ അനലിസ്റ്റ് ശിവാനി ന്യാതി പറയുന്നു.

വാക്സിൻ നിർമ്മാതാക്കളായ ഭാരത് ബയോടെക് ഓഹരി വിൽപ്പനക്ക് ഒരുങ്ങുന്നു. കൂടുതൽ വിവരങ്ങൾ അറിവായിട്ടില്ല. 500 ദശലക്ഷം ഡോളർ സമാഹരിക്കാനാണ് ഏകദേശ ധാരണയായിട്ടുള്ളതെന്ന് വിശ്വസ്‌ത വൃത്തങ്ങളെ ഉദ്ധരിച്ചു കൊണ്ട് ബ്ളൂംബർഗ് റിപ്പോർട്ട് ചെയ്യുന്നു. 1996ൽ പ്രവർത്തനം തുടങ്ങിയ ഭാരത് ബയോടെക് വാക്സിൻ നിർമ്മാണത്തിൽ ഇതിനകം വലിയ മുന്നേറ്റം നടത്തിയിട്ടുണ്ട്. കൊവാക്സിൻ എന്ന കൊവിഡ് വാക്സിൻ, ഹെപ്പറ്റൈറ്റിസ് ബി, ഡയേറിയ പ്രതിരോധ ഔഷധങ്ങൾ എന്നിവയെല്ലാം ഉത്പന്ന നിരയിലുണ്ട്. ഡോ. കൃഷ്ണ എല്ലയും ഭാര്യ ഡോ.സുചിത്ര

ഹരിയാനയിലെ 590 കോടിയുടെ നിക്ഷേപ തട്ടിപ്പ് അന്വേഷിക്കാൻ KPMGയെ ചുമതലപ്പെടുത്തിയതായി ഐഡിഎഫ്സി ഫസ്റ്റ് ബാങ്ക് . ഫോറൻസിക് ഓഡിറ്റിങ് ഉടനടി നടത്താനാണ് തീരുമാനം.അതിനിടെ  തട്ടിപ്പ് വാർത്തകളുടെ എറ്റവും മോശം സാഹചര്യം  മുന്നിൽ കണ്ടുള്ള വിലയിലേക്ക് ഐഡിഎഫ്സി ഫസ്റ്റ് ബാങ്ക് ഓഹരി താഴ്ന്നുവെന്നാണ് അനലിസ്റ്റുകൾ പറയുന്നത്.ഹരിയാനയിൽ 590 കോടിയുടെ തിരിമറി കണ്ടെത്തിയ ശേഷം ഓഹരി വില കുറഞ്ഞത് 16% ഓളം. വിപണി മൂല്യത്തിൽ വന്ന നഷ്ടം 12,000 കോടിക്ക് അടുത്ത്. കുറച്ചു കാലം ഈ ആശങ്കകൾ തുടരാം. മീഡിയം, ലോങ് ടേം

ഐഡിഎഫ്സി ഫസ്റ്റ് ബാങ്കിൽ 590 കോടിയുടെ തട്ടിപ്പ്. ഹരിയാന സർക്കാരിൻ്റെ അക്കൗണ്ടിലാണ് തിരിമറി കണ്ടെത്തിയത്. ബാങ്ക് ജീവനക്കാർക്ക് തട്ടിപ്പിൽ പങ്കുണ്ടെന്നാണ് പ്രാഥമിക നിഗമനം. ഇതെഴുതുമ്പോൾ ഐഡിഎഫ്സി ഫസ്റ്റ് ബാങ്ക് ഓഹരി വില 16% താഴ്ന്ന് 70 രൂപയിലാണ് ട്രേഡ് ചെയ്യുന്നത്. ഒരു വേള 20% താഴ്ന്നിരുന്നു. സംഭവം നിരീക്ഷിച്ച് വരികയാണെന്ന് റിസർവ് ബാങ്ക് ഗവർണർ സഞ്ജയ് മൽഹോത്ര പറഞ്ഞു. ആശങ്കയ്ക്ക് വകയില്ല. മൂലധന പര്യാപ്തതാ അനുപാതം 11.5 % വേണ്ടിടത്ത് 17% ഉണ്ട്. ആർബിഐ ഗവർണ്ണറുടെ വിശദീകരണം വന്നതിൽ നിന്

എനിക്ക് എന്തു കൊണ്ട് അദാനി പ്രേമം?. രാഷ്ട്ര നിർമ്മിതിക്ക് പ്രാമുഖ്യം നൽകുന്ന ഒരു കോർപ്പറേറ്റായതുകൊണ്ടു തന്നെ . കോർപ്പറേറ്റുകൾ എന്നു കേട്ടാൽ വിറ പൂണ്ട് കലി രൂപം കൊള്ളുന്ന ബുദ്ധിജീവികളെ തട്ടി നടക്കാൻ പാടില്ലാത്ത കേരള രാജ്യത്തിരുന്നു കൊണ്ട് അവരുടെ ഭാഷയിൽ മൂരാച്ചി എഴുതുന്നു. മധുര മനോജ്ഞ ചീനയ്ക്കാകാമെങ്കിൽ പിന്നെ എൻ്റെ ഭാരതത്തിനുമാകാം. അദാനി കീ ജയ് !. AI ഡേറ്റാ സെൻ്ററിലും ഗ്രീൻ എനർജിയിലും അദാനി മുടക്കാൻ പോകുന്നത് 100 ബില്യൺ ഡോളർ. വരുന്ന ഒരു ദശാബ്ദത്തിൽ ഭാരതത്തിൻ്റെ Al മേഖലയിൽ അടി